உயிர் கொடுக்கும் கலை 9 - டிராட்ஸ்கி மருது :: ஒலிப்பதிவும் எழுத்தும் : யுகேந்தர்

உலகம் உங்கள் கலைக்கூடம் என்ற நிலைக்கு வந்துவிட்டோம். 13-16 அங்குலமுடைய ஒரு சிறந்த தொழில் சார்ந்த டேப்லெட்டை, மென்பொருள் பயன்படுத்தி தொடு திரை மூலம் ஓவியம் வரைவதற்கும் மற்றும் பலதுறைக்கும் பயன்படுத்தலாம். பயணத்தின் போது அதை உலகத்தின் எந்த இடத்திற்கு வேண்டுமானாலும் எடுத்து செல்லலாம். ஓவியம், படிமம், நிழற்படம், அனிமேஷன் அல்லது திரைப்படம் ஆகியவற்றில் பயணிக்கும் இடங்களிலிருந்தே பணிசெய்யலாம். எங்கு சென்றும் பணிசெய்து குறிப்பிட்ட ஸ்டுடியோவிற்கு அனுப்பி படத்தொகுப்பு செய்து அதை உலக முழுக்க கொண்டு செல்லும் வாய்ப்பும் வசதியும் உண்டு.