சய்லேன்ஸ் - 6
1. தமிழ் ஹைகூ.... நூற்றாண்டை நோக்கி
தமிழில் 'ஹைகூ' என்று ஜப்பானிய கவிதையை அறிமுகப்படுத்தியவர் மகாகவி பாரதி. (பார்க்க - பாரதியார் கட்டுரைகள்)
ஹைகூவின் சுருக்கமான மூன்றடி வடிவமும், வாசனையைத் தனக்குள் ஈர்க்கும் சுவைத் தன்மையும் புதுமை வடிவங்களை விரும்பிய பாரதியை ஈர்த்ததில் வியப்பில்லை.
பின் சி.மணி, ஜப்பானிய ஹைகூக்களை தமிழில் மொழி பெயர்த்தார். இலக்கிய வெளிவட்டம் இதழும் பல ஹைகூக்களை 1965களில் மொழி பெயர்த்து வெளியிட்டுள்ளது.
கவிக்கோ அப்துல் ரகுமான் 'சிந்தர்' என்ற பெயரில் ஹைகூக்களைத் தர சுஜாதாவின் உசுப்பேத்தலில் ஹைகூ பற்றிக் கொண்டது.
தமிழின் முதல் ஹைகூ தொகுப்பு ''புல்லின் நுனியில் பனித்துளி'' யா (அறிவுமதி) புள்ளிப்பூக்களா (அமுதபாரதி) என்ற பட்டிமண்டபம் இன்று வரைத் தொடர்கிறது. என்றாலும் ரெண்டுமே collectors item டாக்டர் லீலாவதி, ஜப்பானிய ஹைகூக்களை தமிழில் மொழி பெயர்த்து தந்தார்.
ஈரோடு தமிழன்பன், இராம குருநாதனின் வழிகாட்டல் வெளிச்சத்தில் இளைஞர்கள் ஹைகூ உலகுக்குள் நுழைந்தார்கள்.
பழையக் குளம்
புதிய தவளை
ப்ளக்
புதுவையில் ஹைகூ முயற்சிகளை சீனு தமிழ்மணி தொடங்கி வைக்க தமிழகத்தில் மு.முருகேஷின் முன் முயற்சியில் ஹைகூ திருவிழா போன்ற விழாக்களில் ஹைகூ கொண்டாடப்பட்டது.
இன்றைக்கு சற்றேறக்குறைய 500 ஹைகூ நூல்கள் வெளிவந்துள்ளன.
ஹைகூவின் கிளை வடிவங்களான மறைக்கூ, சென்ரியூ, ஹைபுன், ஹைகா போன்ற வடிவங்களி தமிழ் ஹைகூப்புவர்கள் பின்னி பெடலெடுத்துக் கொண்டிருக்கிறார்கள்.
கடந்த 5.12.2010 சென்னை கன்னிமாரா நூலகத்தில் ஹைகூ திருவிழா கோலாகலமாய் நிகழ்ந்தது. அன்றைக்கு தொடங்கிய அமுதபாரதி, தமிழன்பன் தொடங்கி நேற்றைக்கு எழுத வந்திருக்கும் புலவர் வரை விழாவுக்கு வந்து மாலை வரை மழையைப் பொருட்படுத்தாமல் கலந்து சிறப்பித்தார்கள்.
ஹைகூ நூல்களில் பலவும் பதர்கள் என்பதும் பல ஹைகூக்கள் தேறவே தேறாது என்பது பகல் நேரச் சூரியன்.
மொத்த தமிழ் ஹைகூவையும் தரம் பிரித்தால் நூறு ஹைகூ கிடைத்தால் நான் தன்யனானேன்.
மின் சிக்கனவாரம் ... ஓர் யோசனை!
போனவாரம் சம்சாரம் சண்டபோட்டு ''வூட்டுக்கு ஒரு வேல செய்யா! போய் கெரண்டு பில் கட்டிட்டு வா'' எனப் பகர்ந்தாள்.
''தோ பார்றா... கெரண்டே கெடயாது'' கெரண்டு பில் மட்டும் வருமாம். இந்த கேறாமய. எங்க போய் சொல்ல..
ஈபி ஆபீசுல போனா... அங்க ஒரு போஸ்டர் ''மின் சிக்கன வாரம் 12.12.10 - 20.12.10. வரை'' அட்ரா சக்க!
மின் சிக்கனத்துக்கு பலான பலான யோஜனைங்க சொல்லியிருந்தாங்க பா,
தோஸ்த்து.. எனக்கு தெரிஞ்சத அப்டியே சொல்ட்டா.
இப்போ சீறாதே. மின்சார மந்திரி அவுரையே இன்னும் நூறு வருஷத்துக்கு இதே டிபார்ட்மென்ட்ல கண்டினியூ பண்ண சொல்ங்கப்பா..
மின்சாரத்தை சேமிக்கறதுன்னா.. ஏற்றுமதியே பண்ணலாம்.
நீ இன்னா பா சொல்ற!
தமிழில் ஹைகூ வுக்கென முதன்முதலாய் தயாரானது புதுவையின் 'கரந்தடி' இதழ். சீனு தமிழ் மணியை ஆசிரியராக கொண்ட கரந்தடி இதழின் வெள்ளிவிழா. நவம்பர் 2010ல் புதுவையில் நிகழ்ந்தது. அடாத மழையிம் சுமார் நூறு பேர் விழாவில் கலந்து கொண்டு சிறப்பித்தனர். ஓவிய கண்காட்சி ஹைகூ வாசிப்பு என பலத்துளிகள் நிகழ்வுக்கு சிறப்பு சேர்த்தன!
4) தூறல்
தமிழகத்தில் மழை வெளுத்து வாங்கி கொண்டிருக்கிற நேரத்தில் ஒரு சிற்றிதழ்!தூறல்!
சிறப்பான படைப்புகளோடு சிறந்த கோட்டோவியங்களும் கலந்து சிற்றிதழ்களுக்கு உரிய கல்யாணக்குணமான தாமதத்தோடு பிரசவித்திருக்கிறது. தூறல் ஒன்பதாம் இதழ். கவிதை, கட்டுரை, ஆய்வு, நூல்/குறும்பட விமர்சனம் என பல்சுவைகளைக் கொண்ட தூறலின் சுவை யறிய...
தூறல்
சந்தியூர் கோவிந்தன்
2/10 முத்தாக் கவுண்டர் தோட்டம்
சந்தியூர் அஞ்சல்,
சேலம் மாவட்டம் - 636 203
பேசி 98946 40464
மின்னஞ்சல் govimallur@gmail.com
5) தமிழில் ரொம்ப நாளைக்கப்புறம் ஒரு நல்ல ஹைகூ தொகுப்பு நா.விச்வநாதனால் தரப்பட்டுள்ளது. முன்னில் அமரும் பனித்துளி.
பனித்துளியின் ரெண்டு மூணு துளிகளிதோ
தவளை மொழிக்கு
அகராதியில் தேடாதேபொருள்
முகிலைப் பிடி விரைந்து
விருந்தாளி பையில் திராட்சை
பொருளற்ற கூடத்துப் பேச்சு
உறங்கும் குழந்தைகள்
ஓய்ந்த போர்
பிணங்கள் பார்த்துக்கொள்ளும்
சிநேகிதமாய்
முழுதும் பருக..
இருவாட்சி - உதயக்கண்ணன்
41, கல்யாண சுந்தரம் தெரு
பெரம்பூர். சென்னை-11
விலை ரூ.40
தொடரும்...
|
