உயிர் கொடுக்கும் கலை 10 - டிராட்ஸ்கி மருது :: ஒலிப்பதிவும் எழுத்தும் : யுகேந்தர்

1990'களில் இருந்து அனிமேஷன் பெரு நிறுவனங்களை சார்ந்தே இருந்து வந்தது. விரைவில் பணம் ஈட்டும் எண்ணத்திலேயே இந்நிறுவனங்கள் இத்துறைக்குள் நுழைந்தவை என்றும் சொல்ல முடியும். நிறுவனத்தின் நிறுவனருக்கோ அல்லது தலைமை பொறுப்பிலுள்ளவர்க்கோ கலை/ஓவியம் குறித்து எந்த ஒரு தெளிவும் இல்லை. அவர்களுக்கு அனிமேஷன், போட்டோகிராபி போன்றவற்றில் ஈடுபாடோ அல்லது கலை வெளிப்பாடோ துளியுமில்லை. ஆசியாவில் ஒரு பெரிய தொழில் வாய்ப்பு உள்ளது என்ற காரணத்தினாலே இங்கு அவர்கள் கடை விரித்தனர். கலைஞர்களுக்கு எந்த ஒரு அங்கீகாரமும் அவர்கள் கொடுக்கவில்லை. கலைஞர்கள் பெரிதாக வளர வாய்ப்பில்லை.சுயாதீனமாக செயல்ப்பட்ட கலைஞர்களும் பெருநிறுவனங்களை சார்ந்தே இருக்க வேண்டியிருந்தது.