கூடு :: இலக்கியம் :: குறும்படம்

வாயில்

தொடர்புக்கு

நூல்வெளி

வணக்கம்.. கவிதைகள் பகுதிக்கு உங்களை அன்புடன் வரவேற்கிறோம்.. வாசித்து முடித்த பின்னர் உங்கள் கருத்துகளையும் மறக்காமல் பதிவு செய்யுங்கள்.


	சில கவிதைகள் : விதி அந்திக்கருக்கலில் இந்தத்திசை தவறிய பெண்பறவை தன் கூட்டுக்காய் தன் குஞ்சுக்காய் அலை மோதிக்கரைகிறது. எனக்கதன்கூடும் தெரியும் குஞ்சும் தெரியும் இருந்தும் எனக்கதன் பாஷை புரியவில்லை. --கலாப்ரியா ----------------------------------------- சைக்களில் வந்த தக்காளி கூடை சரிந்து முக்கால் சிவப்பில் உருண்டது அனைத்து திசைகளிலும் பழங்கள் தலைக்கு மேலே வேலை இருப்பதாய் கடந்தும் நடந்தும் அனைவரும் போயினர் பழங்களை விடவும் நசுங்கி போனது அடுத்த மனிதர்கள் மீதான அக்கறை --கல்யாண்ஜி ----------------------------------------- ஒரு கட்டு வெற்றிலை பாக்கு சுண்ணாம்பு புகையிலை வாய் கழுவ நீர் பிளாஸ்க் நிறை ஐஸ் ஒரு புட்டி பிராந்தி வத்திப்பெட்டி சிகரெட் சாம்பல் தட்டு பேசுவதற்கு நீ நண்பா இந்தச் சாவிலும் ஒரு சுகம் உண்டு. --நகுலன் ----------------------------------------- வாழ்க்கை நான் என் காலை வைக்கவேண்டிய படி எது? நான் குலுக்க வேண்டிய கை, நான் அணைக்க வேண்டிய தோள், நான் படிக்க வேண்டிய நூல், நான் பணியாற்ற வேண்டிய இடம் ஒன்றும் எனக்குத் தெரியவில்லை இப்படி இருக்கிறது வாழ்க்கை.கவிதைகள் -- பசுவய்யா ----------------------------------------- என்ன மாதிரி என்னை நோக்கி ஒருவர் வந்தார் எதையோ கேட்கப் போவது போல கடையா? வீடா? கூடமா? கோயிலா? என்ன கேட்கப் போகிறாரென்று எண்ணிக் கொண்டு நான் நின்றிருக்கையில் அனேகமாய் வாயைத் திறந்தவர் என்னிடம் ஒன்றும் கேளாமல் சென்றார். என்ன மாதிரி உலகம் பார் இது. --ஞானக்கூத்தன்

கவிதைகள்




	-----------------------------------
	கவிதைகள் கவிதை என்பதற்கு பல பார்வைகளில் வெவ்வேறு வரையறைகள் உண்டு. கவிதை சொற்களால் கோர்க்கப்பட்ட ஓர் எழுத்திலக்கியக் கலை வடிவம் ஆகும். உணர்ச்சி, கற்பனை, கருத்துக்களை வெளிப்படுத்தவும் தூண்டவும் கவிதை உதவுகின்றது.
	-----------------------------------
	தமிழின் முக்கியமான கவிஞரான ‘பிரமிள்’ எழுதிய புகழ்பெற்ற கவிதை இது
	சிறகிலிருந்து பிரிந்த ஒற்றை இறகு காற்றின் முடிவற்ற பக்கங்களில் ஒரு பறவையின் வாழ்வை எழுதிச்செல்கிறது
	-----------------------------------
	புதுக்கவிதை சுருக்கமான வரலாறு

	http://www.jeyamohan.in/?p=290

வகைப்பாடு

கூடு எழுத்தாளர்கள்

வகைகள்

எழுத்தாளர்கள்


	வாசகர்கள் தங்கள் படைப்புகளை editor@thamizhstudio.com என்கிற மின்னஞ்சல் முகவரிக்கு அனுப்பி வைக்கவும். படைப்புகள் வேறெந்த வடிவிலும், வேறெந்த ஊடகங்களிலும் வெளிவந்திருக்கக் கூடாது. படைப்புகளை யுனி கோட் வடிவில் அனுப்பவும். அல்லது பயன்படுத்திய எழுத்துருவை தெரிவிக்கவும்.

வாயில்

கவிதைகள

தடுப்பது யார்?

கவிதைகள் வாயில்

தடுப்பது யார்?

ஆர். ஈஸ்வரன், வெள்ளகோவில்

வாகனத்தில் போகும்போது
முன் வாகனம் விடும் புகையின்
மூச்சுத் திணறலை
தடுப்பது யார்?

காலியான இடத்தில்
காலியான பாலித்தீன்களால்
நிலம் காணாமல் போவதை
தடுப்பது யார்?

கண்ணில் பட்ட மரங்களை
வெட்டி வெட்டி வீழ்த்திவிட்டு
நிழலையும் மழையையும்
தேடித் தேடி அலைபவனை
தடுப்பது யார்?

பொருளில், உணவில், நீரில்
கலப்படம் செய்பவனையும் மிஞ்சி
மருந்தில் கலப்படம் செய்பவனை
தடுப்பது யார்?

தன்னம்பிக்கையுள்ளவனிடம்
எதிர்மறை எண்ணங்களைப் புகுத்தி
தன்னைம்பிக்கையை
நிலைகுலையச் செய்பவனை
தடுப்பது யார்?

நம்மை காக்க வேண்டியவர்களையும்
நாமே காக்க வேண்டிய அவலத்தை
தடுப்பது யார்?

ஊட்டி வளர்த்தவர்களையே
ஊரை விட்டே துரத்தி
அனாதை விடுதிக்கு
அனுப்பும்கொடுமையை
தடுப்பது யார்?

வாசகர்கள் தங்கள் படைப்புகளை editor@thamizhstudio.com என்கிற மின்னஞ்சல் முகவரிக்கு அனுப்பி வைக்கவும்.

படைப்புகள் வேறெந்த வடிவிலும், வேறெந்த ஊடகங்களிலும் வெளிவந்திருக்கக் கூடாது. படைப்புகளை யுனி கோட் வடிவில் அனுப்பவும். அல்லது பயன்படுத்திய எழுத்துருவை தெரிவிக்கவும்.