அந்திக்கருக்கலில்
இந்தத்திசை தவறிய
பெண்பறவை
தன் கூட்டுக்காய்
தன் குஞ்சுக்காய்
அலை மோதிக்கரைகிறது.
எனக்கதன்கூடும் தெரியும்
குஞ்சும் தெரியும்
இருந்தும்
எனக்கதன்
பாஷை புரியவில்லை.
--கலாப்ரியா
-----------------------------------------
சைக்களில் வந்த
தக்காளி கூடை சரிந்து
முக்கால் சிவப்பில் உருண்டது
அனைத்து திசைகளிலும் பழங்கள்
தலைக்கு மேலே
வேலை இருப்பதாய்
கடந்தும் நடந்தும்
அனைவரும் போயினர்
பழங்களை விடவும்
நசுங்கி போனது
அடுத்த மனிதர்கள்
மீதான அக்கறை --கல்யாண்ஜி
-----------------------------------------
ஒரு கட்டு வெற்றிலை
பாக்கு சுண்ணாம்பு புகையிலை
வாய் கழுவ நீர்
பிளாஸ்க் நிறை ஐஸ்
ஒரு புட்டி பிராந்தி
வத்திப்பெட்டி சிகரெட்
சாம்பல் தட்டு
பேசுவதற்கு நீ
நண்பா
இந்தச் சாவிலும்
ஒரு சுகம் உண்டு.
--நகுலன்
----------------------------------------- வாழ்க்கை
நான் என் காலை வைக்கவேண்டிய படி எது?
நான் குலுக்க வேண்டிய கை,
நான் அணைக்க வேண்டிய தோள்,
நான் படிக்க வேண்டிய நூல்,
நான் பணியாற்ற வேண்டிய இடம்
ஒன்றும் எனக்குத் தெரியவில்லை
இப்படி இருக்கிறது வாழ்க்கை.
-- பசுவய்யா
-----------------------------------------
என்ன மாதிரி
என்னை நோக்கி ஒருவர் வந்தார்
எதையோ கேட்கப் போவது போல
கடையா? வீடா? கூடமா? கோயிலா?
என்ன கேட்கப் போகிறாரென்று
எண்ணிக் கொண்டு நான் நின்றிருக்கையில்
அனேகமாய் வாயைத் திறந்தவர் என்னிடம்
ஒன்றும் கேளாமல் சென்றார்.
என்ன மாதிரி உலகம் பார் இது.
--ஞானக்கூத்தன்
கவிதைகள்
-----------------------------------
கவிதைகள்
கவிதை என்பதற்கு பல பார்வைகளில் வெவ்வேறு வரையறைகள் உண்டு. கவிதை சொற்களால் கோர்க்கப்பட்ட ஓர் எழுத்திலக்கியக் கலை வடிவம் ஆகும். உணர்ச்சி, கற்பனை, கருத்துக்களை வெளிப்படுத்தவும் தூண்டவும் கவிதை உதவுகின்றது.
-----------------------------------
தமிழின் முக்கியமான கவிஞரான ‘பிரமிள்’ எழுதிய புகழ்பெற்ற கவிதை இது
சிறகிலிருந்து பிரிந்த
ஒற்றை இறகு
காற்றின் முடிவற்ற பக்கங்களில்
ஒரு பறவையின் வாழ்வை
எழுதிச்செல்கிறது
வாசகர்கள் தங்கள் படைப்புகளை editor@thamizhstudio.com என்கிற மின்னஞ்சல் முகவரிக்கு அனுப்பி வைக்கவும்.
படைப்புகள் வேறெந்த வடிவிலும், வேறெந்த ஊடகங்களிலும் வெளிவந்திருக்கக் கூடாது. படைப்புகளை யுனி கோட் வடிவில் அனுப்பவும். அல்லது பயன்படுத்திய எழுத்துருவை தெரிவிக்கவும்.
என் மயிர்கள் அடர்ந்த காட்டின் வழியே
அதன் பாய்ச்சல் துவங்குகிறது
எந்தவொரு முகாந்திரமற்று சிறுகழுகின்
பெருவட்டமடித்தலைப் போல
பெருமும் என் தேகத்தின் உள்ளிடுக்குகளில்
சொற்க்கள் கசிந்து வெளியேறிக்கொண்டிருக்கின்றன
ஓடையில் மிதந்து வரும் காகித கப்பலொன்று
எதிர்பாராத தும்பியின் தொடுதலுடன்
வந்து கொண்டிருக்கிறது.
உனது நெருக்கத்தை பகிர்ந்துக் கொள்ள
முடியாத என்னொரு பொழுதும்
போய்க் கொண்டிருக்கிறது
அலைகடல் தொடுதலே அதன் ஆவேச
இலக்காய் இருத்தல் வேண்டும்
கூளாங்கற்களையும்,கோரை புற்களையும்
நகர்த்திக் கொள்ளும் வலிமையுண்டதற்கு
அதன் பாய்ச்சல் மெல்ல கீழ்வானத்தின் மேலேறி
சூரியனையும்,மேகங்களையும் கலைத்து
வானத்தை நோக்கி போகிறது.
யாராவது தடுத்து நிறுத்திடாவிடில்
இரவோ,நிலவோ கடுந்துயராகி
இன்றைய பொழுதோ எரிந்து சாம்பாலாகும்.
வாசகர்கள் தங்கள் படைப்புகளை editor@thamizhstudio.com என்கிற மின்னஞ்சல் முகவரிக்கு அனுப்பி வைக்கவும்.
படைப்புகள் வேறெந்த வடிவிலும், வேறெந்த ஊடகங்களிலும் வெளிவந்திருக்கக் கூடாது. படைப்புகளை யுனி கோட் வடிவில் அனுப்பவும். அல்லது பயன்படுத்திய எழுத்துருவை தெரிவிக்கவும்.
require('karuthu.php');
getComments("502"); // 2 is the article number // Edit this
function curPageURL()
{
$isHTTPS = (isset($_SERVER["HTTPS"]) && $_SERVER["HTTPS"] == "on");
$port = (isset($_SERVER["SERVER_PORT"]) && ((!$isHTTPS && $_SERVER["SERVER_PORT"] != "80") ||
($isHTTPS && $_SERVER["SERVER_PORT"] != "443")));
$port = ($port) ? ':'.$_SERVER["SERVER_PORT"] : '';
$url = ($isHTTPS ? 'https://' : 'http://').$_SERVER["SERVER_NAME"].$port.$_SERVER["REQUEST_URI"];
return $url;
}
submitComments("502",curPageURL()); // Edit this
?>