கூகிள் குழுமம் Facebook Twitter     தொடர்புக்கு வாயில்  
காணொளி TS படைப்பாளிகள் TS தொழில்நுட்பம் TS போட்டிகள் TS தொடர்கள் TS குறும்பட சேமிப்பகம் TS குறும்பட வழிகாட்டி TS குறும்பட திறனாய்வு TS மற்றவை

குறும்பட ஆர்வலர்களுக்கு குறும்படங்கள் தொடர்பான அனைத்து விதமான வழிகாட்டல்களும் இந்தப் பகுதியில் இடம்பெறும்
 
 

குறும்பட வழிகாட்டி, இந்த இணைப்பில் உள்ள அனைத்து பிரிவுகளும் உங்களுக்கு வழிகாட்டும் விதமாக அமையும் என்று எதிர்பார்க்கிறோம். இதில் வேறு ஏதேனும் செய்திகள் அல்லது தகவல்கள் இடம் பெற்றால் மேலும் உங்களுக்கு பயனுள்ளதாக இருக்கும் என்று நீங்கள் கருதினால் அதனையும் எங்களுக்கு தெரியப்படுத்துங்கள்.

அவற்றை பற்றியும் உங்களுக்கு எங்களால் இயன்ற அளவில் தகவல்களை திரட்டி தருகிறோம். அல்லது வழிகாட்டுதல் பகுதிக்கு நீங்கள் ஏதேனும் தகவல்கள் தர விரும்பினாலும் எங்களை தொடர்பு கொள்ளுங்கள். தொடர்பு கொள்ள வேண்டிய மின்னஞ்சல் முகவரி:
editor@thamizhstudio.com

 

 

 

 
     
     
     
   
பௌர்ணமி இரவு பற்றி
1
 

நகரின் சப்தங்கள் அனைத்தும் ஆர்பரித்துப் பின்னர் அடங்கிப் போன பின்பனி இரவு, முழு நிலவு, மனதுக்கு மிக நெருக்கமான அல்லது ஒத்த கருத்துடைய நண்பர்களுடன் செடிகளும், பூக்களும் நிறைந்த தோட்ட வெளியில், புல் தரை மீது அமர்ந்து நாம காணக் கிடைக்காத பல அரியத் திரைப்படங்கள், உலக குறும்படங்கள் மற்றும் நம் நண்பர்கள் உருவாக்கத்தில் வெளிவந்த ஒரு தமிழ் குறும்படம் ஆகியவற்றை, நிலா சோறு உண்டுக் கொண்டே பார்க்கும்போது ஏற்படும் பரவச நிலை பல ஆண்டுகள் செய்யும் தவத்திற்கு சமம். அத்தகைய தவ நிலைக்கு, அல்லது பரவச நிலைக்கு உங்களை அழைத்து செல்ல நாங்கள் தயார். வருவதற்கு நீங்கள் தயாரானால்!

தமிழ் ஸ்டுடியோ.காம் இணையதளத்தின் குறும்பட வட்டம் நிகழ்வு கடந்த பதினேழு மாதங்களாக மிக சிறப்பாக நடைபெற்று வருகிறது. ஊடகங்களும், ஆர்வலர்களும் கொடுத்த பேராதரவே இதற்கு காரணம். அதே அளவிற்கான ஆதரவை எதிர்பார்த்து மேலும் ஒரு திரையிடல் நிகழ்வை தமிழ் ஸ்டுடியோ.காம் ஏற்பாடு செய்திருக்கிறது. எப்போதும் வெறும் வார்த்தையளவில் நாம் பேசிக்கொண்டிருக்கும் சில திரைபபடங்கள், விமர்சகர்கள் கொண்டாடும் சில இயக்குனர்களின் காணக்கிடைக்காத அரியத் திரைப்படங்கள், உலக அளவில் புகழ் பெற்ற குறும்படங்கள், உலகின் பல உண்மைகளை வெளிக்கொணர்ந்து மக்களுக்கு விழிப்புணர்வு ஏற்படுத்திய ஆவணப்படங்கள், தமிழிலும் முயற்சி செய்கிறோம் என பறைசாற்றும் குறும்படங்கள் போன்றவை இந்த நிகழ்வில் திரையிடப்படும்.

மேலும், தமிழில் குறும்படம் எடுக்க விரும்பும், அல்லது அந்த குறும்படத்தில் பங்கேற்க விரும்பும் அல்லது குறும்பட உதவி வேண்டும் ஆர்வலர்கள் உள்ளிட்டோர் தங்களுக்குள் குழுவாக பிரிந்து அது பற்றி விவாதிக்கும் நிகழ்வும் இந்த பெவுர்ணமி இரவில் நடைபெறும். தங்கள் மனதுக்குள் இருக்கும் பல்வேரு பிரச்சனைகளால் தாங்கள் உருவாக்க நினைத்த குறும்பட முயற்சியை தள்ளி வைத்த அனைத்து நண்பர்களின் பிரச்சனைகளை ஆராய்ந்து அவர்கள் சிறப்பாக குறும்படம் எடுக்க இந்த நிகழ்வில் வழிநடத்தப்படும்.

உலகப் படங்கள் பற்றியான ஒரு புரிதலை ஏற்படுத்தவும், அதுபற்றி கலந்துரையாடவும், ஒவ்வொரு மாதமும் ஒரு சிறப்பு பார்வையாளர் பௌர்ணமி இரவில் நம்முடன் பங்கேற்பார். ஆர்வலர்கள் அந்த மாதம் பௌர்ணமி இரவில் திரையிடப்படும் படங்களை அந்த சிறப்பு பார்வையாளருடன் சேர்ந்து பார்த்துவிட்டு அந்தப் படம் குறித்து அவருடன் கலந்துரையாடலாம்.

 
     
   
  ---------------------------------  
 

 

 

 
  ---------------------------------  
     
     
  ---------------------------------  
     
     
     
   
  வகைப்பாடு
   
  வகைகள்
  எழுத்தாளர்கள்
 
   
 

 

 
 

வாசகர்கள் தங்கள் படைப்புகளை editor@thamizhstudio.com என்கிற மின்னஞ்சல் முகவரிக்கு அனுப்பி வைக்கவும்.

படைப்புகள் வேறெந்த வடிவிலும், வேறெந்த ஊடகங்களிலும் வெளிவந்திருக்கக் கூடாது. படைப்புகளை யுனி கோட் வடிவில் அனுப்பவும். அல்லது பயன்படுத்திய எழுத்துருவை தெரிவிக்கவும்.

 
     
 

 

 

 

 



வாயில் TS  குறும்பட வழிகாட்டி TS  பௌர்ணமி இரவு பௌர்ணமி இரவு
வாயில் 
 

தமிழ்ஸ்டுடியோ.காம் நடத்தும் 14வது பௌர்ணமி இரவு

(14th Full Moon Day Film Screening)


ஸ்ரீ கணேஷ் (படிமை மாணவர்) 19-03-2011


தமிழ் ஸ்டுடியோவின் 14 -ஆம் பௌர்ணமி இரவு மார்ச் 19 ஆம் தேதி, சனிக்கிழமை இரவு கோலாகலமாக நடைபெற்றது .

புதிய பார்வையாளர்கள் அதிகம் பேர் வந்திருந்தனர். வந்திருந்த சிறிது நேரத்திலேயே தங்களுக்குள் பேசி சிரித்து நண்பர்களாகவும் மாறி விட்டனர். நிலவொளியில் மொட்டை மாடியில் ரம்மியமான சூழலில் அனைவரும் கூடியிருந்தனர். இலக்கியம், உலக சினிமா என கூடிப் பேச இதை விட வேறு நல்ல சூழல் அமையாது.

தமிழ் ஸ்டுடியோ அருண் அனைவரையும் வரவேற்றுப் பேசினார். வழக்கம் போல் நிகழ்ச்சியின் முதல் பகுதியாக புதிய பார்வையாளர்கள் தங்களை அறிமுகப்படுத்திக் கொண்டனர். பின்பு அனைவரும் நிலவொளியில் வட்டமாக அமர்ந்து நிலாச்சோறு சாப்பிட்டனர். பௌர்ணமி இரவின் சிறப்பு அம்சமே நிலாச்சோறு சாப்பிடுவது தான். புதிய நண்பர்கள் அனைவரும் பேசிக் கொண்டு, ஒருவரை ஒருவர் நன்கு புரிந்து கொள்ள இது ஒரு இனிய வாய்ப்பாகும்.

வந்திருந்த பெரும்பான்மை மக்கள் எளிய சினிமா ரசிகர்கள். அவர்கள் சினிமாவைப் பற்றி தங்கள் மொழியில் பேசுவதைக் கேட்கையில், மக்களுக்கான சினிமாவைப் பற்றி நிறையப் புரிந்து கொள்ள முடிகிறது.

நிகழ்ச்சியில் இம்மாதம் அகிரா குரோசவாவின் 'Dreams' திரைப்படம் திரையிடப்பட்டது. இது அகிராவின் மிக முக்கியமான படங்களில் ஒன்றாகும். 8 கனவுகளை ஒன்று சேர்த்து ஒரு படத்தை உருவாக்கி இருப்பார். முழுக்க மனிதனின் பல்வேறு உணர்வுகள் சார்ந்தும், பல்வேறு வாழ்கைகளையும் படம் சிறப்பாய் பேசி இருக்கும். காட்சிகள், வண்ணங்கள் மீதான அகிராவின் ஆளுமை இப்படத்தில் மிக சிறப்பாய் வெளிப்பட்டிருக்கும். படம் இரவு 12 .30 மணிக்கு முடிவடைந்தது. அதன் பிறகு படத்தைப் பற்றி பார்வையாளர்கள் விவாதித்தனர். ஒன்றிரண்டு பேர் மட்டுமே படம் முடிந்ததும் வீட்டுக்குச் சென்றனர். மற்ற அனைவரும் 2 மணி வரையிலும் படத்தைப் பற்றி உரையாடிக் கொண்டிருந்தது மிக்க மகிழ்ச்சியான விஷயம்.

பின்பு அனைவரும் தேனீர் அருந்தி விட்டு, சிலர் தூங்க நிறைய நண்பர்கள் விடியும் வரையிலும் கூட பேசி சிரித்துக் கொண்டிருந்தனர். பௌர்ணமி இரவின் நோக்கமே இது தான். வெறும் படம் பார்க்கும் இடமாய் இல்லாமல் அதை விவாதிக்கவும், நிறைய நண்பர்களை பெறவும் ஒரு வாய்ப்பை ஏற்படுத்துகிறது. அவ்வகையில் இந்த பௌர்ணமியும் நன்றாகவே மிளிர்ந்தது... கனவுகளின் நட்பால்!!!

நிகழ்வு தொடர்பாக மேலும் ஒளிப்படங்களைக் காண:

https://picasaweb.google.com/105647173808629498658/14#

-----------------------------------------------------------------------------------
சனிக்கிழமை, 19-03-2011

இரவு எட்டு மணிக்குத் தொடங்கி நள்ளிரவு வரை திரையிடல் நடைபெறும்.

இடம்: எண். 41, சர்குலர் ரோடு, யுனைடெட் இந்தியா காலனி, கோடம்பாக்கம், சென்னை 600024 (லிபர்ட்டி திரையரங்கம் எதிரில்)

தமிழ் ஸ்டுடியோ அலுவலக நிலப்படம் (MAP)

http://thamizhstudio.com/thodarbukku.php

இந்த மாதம் திரையிடப்படும் படங்கள். அகிரா குரோசோவா இயக்கிய ட்ரீம்ஸ் திரைப்படம் திரையிடப்படுகிறது. இதில் எட்டுத் தனி தனி குறும்படங்கள் இணைக்கப்பட்டுள்ளது. அதில் ஒன்று அணு உலை வெடித்தால் ஏற்படும் விபரீதங்கள் குறித்தது.

படம் பற்றி மேலும் அறிய:

http://www.imdb.com/title/tt0100998/

(குறிப்பு: பௌர்ணமி இரவு நிகழ்வில் யார் வேண்டுமானாலும் கலந்துக் கொள்ளலாம். ஆனால் உணவு ஏற்பாடு செய்யவேண்டியிருப்பதால் முன் பதிவு செய்துக் கொள்ளவும். முன் பதிவு செய்யாதவர்களுக்கு உறுதியாக அனுமதி கிடையாது.)

முன்பதிவு செய்துக் கொள்ள வேண்டிய தொலைபேசி எண்கள்: 9840698236, 9894422268


வாசகர்கள் தங்கள் படைப்புகளை editor@thamizhstudio.com என்கிற மின்னஞ்சல் முகவரிக்கு அனுப்பி வைக்கவும்.

படைப்புகள் வேறெந்த வடிவிலும், வேறெந்த ஊடகங்களிலும் வெளிவந்திருக்கக் கூடாது. படைப்புகளை யுனி கோட் வடிவில் அனுப்பவும். அல்லது பயன்படுத்திய எழுத்துருவை தெரிவிக்கவும்.


   
எங்களைப் பற்றி  
|  விதிமுறைகள்  |  விளம்பர உதவி  |  நன்கொடை  |  தள வரைபடம்

© காப்புரிமை: கூடு (தமிழ்ஸ்டுடியோ.காம்)
Best viewed in Windows 2000/XP
|  Resolution: 1024X768  |  I.E. v5 to latest  |  Mozilla Latest Version  |  Chrome and all other Browsers Latest Version.