கரடி என்கிற காளை – DOWN TREND
Down trend என்பது புரிந்துகொள்ள மிகவும் எளிமையானது. ஆனால் இதை புரிந்துகொள்ள நீங்கள் Uptrend-ஐ நன்றாக புரிந்து கொண்டிருக்க வேண்டும். இங்கு நீங்கள் சந்திக்கப்போவது சென்ற வாரம் சந்தித்த அதே காளைதான். சென்ற வாரம் நீங்கள் நன்றாக அதனுடன் பழகியிருந்தால் (படித்திருந்தால்) இந்த முறை நன்றாக உங்களுக்கு ஒத்துழைக்கும். ஒருவேலை காளை உங்களுடன் முரண்டு பிடித்தால் நீங்கள் சென்ற வாரம் அதனுடன் நன்றாக பழகவில்லை (படிக்கவில்லை) என்று அர்த்தம். எனவே உங்களுக்கு இந்த வாரம் புரிந்துகொள்வதில் ஏதேனும் பிரச்சனை இருந்தால் மீண்டும் ஒரு முறை Uptrend பற்றி படித்து அறிந்துகொள்ளுங்கள்.
அதென்ன! கரடி என்கிற காளை! பொதுவாக பங்குச்சந்தை எழுச்சியில் இருந்தால் அதை காளையின் ஆதிக்கம் என்றும் பங்குச்சந்தை வீழ்ச்சியில் இருந்தால் கரடியின் ஆதிக்கம் என்றும் குறிப்பிடுவார்கள். என்னைப் பொருத்த வரையில் கரடி என்றெல்லாம் எதுவும் கிடையாது பங்குச்சந்தை வீழ்ச்சியடைவதும் ஒருவகையில் காளையின் ஆதிக்கம்தான். தினசரி காலண்டரில் நான் படித்த வாசகம் இது “புத்திசாலி மாலுமிக்கு புயல் ஒரு பொருட்டல்ல” மிகவும் உண்மையான வாசகம் இது. எனவே நமக்கு போதுமான திறமை இருந்தால் சந்தையின் வீழ்ச்சியின் போதும் நம்மால் பணம் சம்பாதிக்க முடியும்.
பங்குச்சந்தையின் வீழ்ச்சியிலும் நம்மால் பணம் சம்பாதிக்க முடியும் என்பது பலருக்கு ஆச்சரியம் அளிக்கலாம். அதெப்படி சந்தை இறங்கும் போது பங்குகளை வாங்கி வைத்திருந்தால் நஷ்டம்தானே ஏற்படும், எப்படி இலாபம் கிடைக்கும்! பொதுவாக Down trend-ன் இயக்கத்திற்கான சூத்திரம் ஒன்று இருக்கிறது “அவ்வளவா!, அவ்வளவுதனா!” இதுதான் அந்த சூத்திரம். இந்த சூத்திரம் மூன்று வகையான Trend-களுக்கும் பொருந்தும் ஆனால் Down trend-லும் பணம் சம்பாதிக்க முடியும் என்பதை நிரூபிக்க இந்த சூத்திரம் உதவுவதால், Down trend-ல் இந்த சூத்திரம் அதிக முக்கியத்துவம் பெறுகிறது. இந்த சூத்திரதின் மூலம் Down trend எப்படி இயங்குகிறது என்பதை பார்ப்போம்.
Down trend என்பது நீங்கள் சென்ற வாரம் படித்த Uptrend-ஐ அப்படியே தலைகீழாக படிப்பதுதான். சென்ற வாரம் நீங்கள் சந்தித்த அதே காளையை அப்படியே தலைகீழாக கற்பனை செய்துகொள்ளுங்கள்.
இதோ நீங்கள் சந்தித்த சீற்றமிக்க காளை தலைகீழாக:
சென்ற வாரம் செய்தமாதிரியே இந்த காளையின் பின்னங்காலில் இருந்து முன்னங்காலுக்கு இரண்டு கோடுகளை வரைந்துகொள்ளுங்கள்.
இப்போது நாம் போட்டிருக்கிறோமே இந்த இரண்டு கோடுகள்தான் Down trend-டிற்கான அமைப்பு. எந்த ஒரு பங்கும் கிழ் நோக்கி Down trend-ல் செல்வதற்கு முன்பாக இந்த அமைப்பில்தான் உருவாகும்.
பொதுவாக பங்குச்சந்தையில் விலை ஏன் இறங்குகிறது என்பதை ஆராய்வது எப்படிப்பட்டதென்றால் ஒரு மூட்டை அரிசை கீழே கொட்டிவிட்டு ஒவ்வொரு அரிசியாக என்னுவதற்கு சமம். சந்தையில் விலை இறங்குவதற்கு அவ்வளவு காரணங்கள் உள்ளன. அமெரிக்க அதிபருக்கு அல்சர் என்றாலும் சந்தை இறங்கும், ஐரோப்பாவில் அரசியல் ரீதியான பிரச்சனை என்றாலும் சந்தை இறங்கும். எனவே ஏன் இறங்கியது என்பதை விட்டு விட்டு, சந்தை இறங்கிவிட்டது இப்போது நாம் என்ன செய்வது என்பதிலிருந்து ஆரம்பிப்போம்.
ஒவ்வொருவருக்கும் இந்த இந்த பங்குகள் சிறப்பானவை என எண்ணம் மனதினுள் இருக்கும். ஒரு சிலர் வங்கி தொடர்பான பங்குகள் சிறப்பானவையாக கருதுவார்கள். சிலர் எண்ணை வளம் தொடர்பான பங்குகள் சிறப்பானவையாக கருதுவார்கள். பங்குச்சந்தை வீழ்ச்சியின் போது அவர்களின் எண்ணத்தில் உள்ள சிறப்பான பங்குகளின் விலையானது குறைந்து கொண்டே செல்லும் ஒரு கட்டத்தில் கிட்டத்தட்ட பாதி விலை குறைந்துவிடும் (இது நாம் வரைந்த முதலாவது கோடு). பாதி விலையில் உள்ளதை கவனித்ததும் என்ன! அந்த பங்கின் விலை அவ்வளவுதானா! (சூத்திரம்) என்ற எண்ணம் தோன்றியவுடன் குறிப்பிட்ட அந்த பங்கை வாங்க ஆரம்பிப்பார்கள். இதனால் விலையானது தொடர்ந்து இறங்கிக் கொண்டே செல்லாமல் திடீரென்று மேல் நோக்கி செல்ல ஆரம்பிக்கும் (இது நாம் வரைந்த இரண்டாவது கோடு). இதுதான் நமக்கு தேவையான அமைப்பு. இப்போது இப்போது முதலாவது கோட்டின் ஆரம்பத்தில் இருந்து இரண்டாவது கோட்டின் முடிவை நோக்கி கீழ்கண்டமாதிரி ஒரு கோடுபோடுங்கள்:
 |
இதோ இந்த மூன்றாவது கோடுதான் இந்த காளை கீழ் நோக்கி செல்வதற்கான பாதை. இந்த பாதையில்தான் இனி இந்த காளை பயணம் செய்யும். எண் 2 உள்ள இடத்தை கவனியுங்கள், சந்தை இறங்கிக் கொண்டிருக்கிறது ஆனால் குறிப்பிட்ட இந்த பங்கின் விலை கணிசமாக அதிகரித்திருகிறது. இந்த சமயத்தில் அந்த பங்கை வைத்திருப்பவர்கள் அந்த பங்கின் விலை அவ்வளவா! அதிகரித்துவிட்டது! சந்தைவேறு கீழ்நோக்கி செல்கிறதே ஒரு வேலை நாம் வாங்கிய பங்கின் விலை தொடர்ந்து மேலே செல்லாமல் இறங்கிவிடுமோ என்ற அச்சத்தில் மீண்டும் விற்க ஆரம்பிப்பார்கள். இதனால் மீண்டும் விலை இறங்க ஆரம்பிக்கும். மீண்டும் அவர்களுக்கு பங்கின் விலை அவ்வளவுதானா! என்ற எண்ணம் ஏற்பட்டவுடன் வாங்குவார்கள். பங்கின் விலை அவ்வளவா! என்ற எண்ணம் ஏற்பட்டதும் மீண்டும் விற்க ஆரம்பிப்பார்கள். இப்படித்தான் இந்த சூத்திரத்தின் மூலம் Down trend இயங்குகிறது. Uptrend-ல் நீங்கள் பார்த்த மூன்றாவது கோட்டுக்கும், Down trend-ல் நீங்கள் பார்க்கின்ற இந்த மூன்றாவது கோட்டுக்கும் ஒரு வித்தியாசம் இருக்கிறது. Uptrend-ல் காளை தன் காலால் மூன்றாவது கோட்டை தொடும் போதெல்லாம் பங்குகளை வாங்க வேண்டும். ஆனால் Down trend-ல் காளை தன் காலால் மூன்றாவது கோட்டை தொடும் போதெல்லாம் விற்க வேண்டும். இப்போது இதே விசயத்தை நடைமுறை உதாரணத்துடன் பார்ப்போம்:
 |
எண் 1 உள்ள இடத்திலிருந்து எண் 2 உள்ள இடம் வரை பங்கின் விலையானது இறங்கியிருக்கிறது (இது நாம் வரைந்த முதலாம் கோடு) இந்த இடத்தில், இந்த பங்கை வாங்கலாம் என நினைத்திருந்தவர்கள் அட இந்த பங்கின் விலை அவ்வளவுதா! என்ற ஆச்சரியத்தோடு வாங்க ஆரம்பிப்பார்கள். இதனால் பங்கின் விலையானது எண் 3 உள்ள இடம் வரை அதிகரிக்கும் (இது நாம் வரைந்த இரண்டாவது கோடு) இப்போது காளை படத்தில் வரைந்ததைப்போல இரண்டு கோடுகளை வரைந்து, அந்த இரண்டு கோடுகளையும் இணைக்கும் விதமாக மூன்றாவது கோட்டை வரைந்து காளை செல்வதற்கான பாதையை உருவாக்குங்கள்.
 |
இதோ மூன்றாவதாக வரைந்த கோட்டை அடிப்படையாக வைத்துக்கொண்டு இந்த பங்கின் விலை பயணிப்பதை கவணியுங்கள் எண்கள் 2, 4, 6 ஆகிய இடங்களில் வாங்க விரும்புபவர்களுக்கு இதன் விலை அவ்வளவுதானா என்ற ஆச்சரியம் ஏற்படும் அந்த ஆச்சரியம் அவர்களை வாங்கத்தூண்டும். பின்னர் மூன்றாவது கோட்டை ஓவ்வொரு முறை பங்கின் விலை தொடும் போதும் (எண்கள் 3, 5) அவ்வளவு அதிகரித்துவிட்டதா என ஆச்சரியம் ஏற்படும் அந்த ஆச்சரியம் அவர்களை விற்கத்தூண்டும். இதுதான் Down trend இயங்கும் முறை. எனவே பங்கின் விலை இறங்கும் போது நீங்கள் வாங்கியிருந்தால் அதன் விலை மூன்றாவது கோட்டை தொட்டதும் விற்றுவிட வேண்டும். பின்னர் மீண்டும் மலிவான விலையில் கிடைத்தால் வாங்கி மீண்டும் மூன்றாவது கோட்டை தொட்டதும் விற்க வேண்டும்.
மழைக்காலம் மட்டுமே விவசாயத்திற்கு ஏற்றது என்ற எண்ணம் தவறானது. கோடைக்காலத்திலும் சில பயிர்கள் குறைந்த தண்ணீரைப் பெற்றுக்கொண்டு வளரும். எனவே இந்த பருவத்தில்தான் விவசாயத்தில் ஈடுபடுவேன் என்று இறுமாப்போடு இருக்காமல் பருவத்திற்கு ஏற்ற பயிர்களை பயன்படுத்தி விவசாயத்தில் ஈடுபட வேண்டும். நாம் முயற்சித்தால் Uptrend மட்டுமல்ல Down trend-டிலும் பணம் சம்பாதிக்கலாம். அதற்கு தேவை காலத்திற்கு ஏற்ற சிந்தனை அவ்வளவுதான். அடுத்த வாரம் சந்திப்போம்.
தொடரும்...
|
